ايسفند آيي نين ايكي سي دونياليق آنا ديلي گونودور.بومناسبته گوره دونيانين باشا باشيندا ييغينتي و توپلوم لار يارانير و بوتون آزاده اينسان لار تانرينين قرآن دا بويوردوغو:( سيزلري جور به جور بويالار و ديللرده ياراتديم ،اولسون كي بير بيرينيزي تانيياسيز) آيه يه توخونوب و اوز آنا ديللرينين ياشاتماسينا بير داحا گوج و ايستك گوستريرلر .

تانريني شكر ائتمه لييك كي 57 اينقلابيندان سونرا بيزيم ايرندا بو فضا يارانيب كي بيز اوز آنا ديليميزين اينكيشاف و ديرچليشينده آزاد بير شكيلده فعاليت ائدك. اما بيزيم اوچون ان واجب اولان مساله بودوركي بو ايشلريميز بير پارا اوزگورلوك آختاران گوروپلارا ياناشمييا چون كي اوزامان اوز ديرلي و اينساني يولوندان چيخيب و سياسي حركتلره توخوناجاق كي بو بيزلر اوچون زيان لا برابر دير.

سوندا بويوك شاعيريميز شهريارين اوز آنا ديلينه ياراتديغي شعيري، اونون علاقه سيني عين حالدا كي فارس ديلينده گوزل شعيرلر يازيبدير، اوز ديلينه گوسترمك ايستيرم.

توركون ديلي تك سئوگيلي ، ايستكلي ديل اولماز
اوزگه ديله قاتسان ، بو اصيل ديل ، اصيل اولماز
اوز شعريني فارسا ، عربه قاتماسا شاعر
شعري اوخويانلار ، ائشيده نلر كسيل اولماز
فارس شعري چوخ سوزلريني بيزدن آپارميش
(صابر) كيمي بير سفره لي شاعر ، پخيل اولماز
توركون مثلي ، فولكلورو دونيادا تك دير
خان يورقاني ، كند ايچره مثل دير ، ميتيل اولماز
آذر قوشونو ، قيصر رومي اسير ائتميش
كسري سوزودور بيربئله تاريخ ناغيل اولماز
پيشميش كيمي ، شعرين ده گرگ داد - دوزو اولسون
كند اهلي بيلرلر كي ، دوشابسيز خشيل اولماز
سوزلرده جواهر كيمي دير ، اصلي بدلدن
تشخيص وئره ن اولسا بو قده ر زير - زيبيل اولماز
شاعر اولا بيلمزسن ، آنان دوغماسا شاعر
ميس سن ، آبالام ، هر ساري كوينك قيزيل اولماز
چوخ قيصا بوي اولسان جن كيمي شيطان
چوخ دا اوزون اولما كي اوزوندا عقيل اولماز
مندن ده نه ظاليم چيخار ، اوغلوم ، نه قصاص چي
بير دفعه بوني قان كي ايپكدن قزيل اولماز
آزاد قوي اوغول عشقي طبيعت ده بگه نسين
داغ - داشا دوغولموش ده لي جئيران حميل اولماز
انسان اودي توتسون بو ذليل خلقين اليندن
آللاهي سئوره سن ، بئله انسان ذليل اولماز
چوخ داكي سرابين سويو ، وارياغ - بالي واردير
باش عرشه ده چاتديرسا ، سراب اردبيل اولماز
بير ذره مساوات اولا ، شاعر چوپه دونمز
اربابلاريميزدان دا قارينلار طبيل اولماز
دوز واختدا دولار تاختا - طاباق ادويه ايله
اوندا كي ننه م سانجيلانار زنجفيل اولماز
بو(شهريار) ين طبعي كيمي چيممه لي چشمه
كوثر اولا بيلسه دئميرم ، سلسبيل اولماز

يازيليب86/11/28ساعات 23:55 علی احمدزاده| |