توركجه يازمالار
گله جك آذربايجانا ، يالنيز و يالنيز آذربايجانلا گله جك
یاغیش لی بیردلی گئجه ده ، کی اولدوز لار سنی گورمک اوچون یئره کوچموشدولر ، بیلیم یوردوندان ائشیگه چیخیب ، چتیری باشیم اوسته آچان آندا سنینله اوز اوزه گلدیم . سنین کتابلارین یئره دوشموش، گوزلرین گوزلریمه باخیردی ، من کتابلارین توپلاییب و بیر سوز دئمک ایسته دیم اما دیلیم باغلاندی ....... من سنی ائله بیر گئجه ده سئودیم حسابسیز. قوجاغیم سینیر سیز بیر داغلا برابر ، دویغولاریم صبیر سیز ، بیر اوشاق کیمی گناهسیز . یاریم ، سنده سئوه بیلیر میسین منی ، سنی سئودیگیم کیمی ؟ اورگیمه توخون، باخ اوردا سن وارسان. موتلولوک نه دیر ، دییه سوروشسالار . من دئیه رم تکجه سن. سسین ، گوزلرین ، اللرین سونرا تیتره ین دوداقلارین ، سن منیم هر شیئیم سن . سن سیز نه یه بنزه ر بو آی بوگونش ، چیچک لر آچار می سن اولماسان؟ کیم آیدین لاتار گئجه می ، گونومو کیم پایلاشار . کیم سانار دردیمی. گئتمه بیر آز داحا قال . گئتمه.... سنین گئتمه یین منی داریخدیریر، تنیم ایستی تنین اوچون ، دوداقلاریم آل قیرمیزی دوداقلارین اوچون داریخیر. برابر بیلدیک سئودیکلریمیزی ، برابر اویرندیک سئومکله یاشاماقی. باخ گونش لر دوغدو بیزیم بو سئودا اوچون ، یولوموزا بگونیالار سریندی ، هر کسه سنی آنلاتماق ایستیرم ، سنی تانیتدیرماق، سنی سویله مک،شعرلریمده. سن اولمالی سان اورگیمده. من سنی سئومگی سئویرم ، بو بیر اعتراف دیر. سنین عشقین اولماسا منده یوخام. سن سیز حزن لر یاغار گئجه لریمه ، روحوم دورماز بدنیمده، قوروموش داغلارا دونر اوره گیم، سوسوز چوللره. گئجه م سن سیز بیتمز ، من اولورم گئتمه . گئتمه قال بیر آز داحا ، ایمانین وارسا اللاها. ایلام ، 29/8/86 گئجه ساعات 12 *بیلیم یوردو : دانشگاه توپلاماک : ییغماک ، جمع کردن سینیر سیز : مقاوم دویغو: احساس ساناماک : شمردن ، سایماک بگونیا : نوعی گل
| Design By : Night Skin |
بووبلاگ هئچ بير قوروپ و پارتيايا باغلي دئيل يالنيزو يالنيزآذربايجان ادبيات ،موسيقي،فولکولور ، تورک مثللرنين ديرچليش و اينکشافيندا آديملايير وبو يولدا سيزدوستلارين يارديملاريني گوزله يير.بيزی اونوتمايين. آشاغیدا گلن لینک لرین محتوا سی باره ده، هئچ بیر مسوولیت بیزیم اوچون یاراتمیر تکجه اونلار بو وبلاگا لینک اولونوبلار .
