توركجه يازمالار
گله جك آذربايجانا ، يالنيز و يالنيز آذربايجانلا گله جك
دئیر لر ، آیریلیق اولومون یاریسی دیر ، بلکه ده اولومله برابردیر ، اما منجه آیریلیق اولومدن ده بتر دیر . اولوم ، انسانین اوره گینه ویریلمیش بیر آجی دیر ، بیر خنچر یاراسی کیمی انسانی یارالاییر ، اما زامان کئچیرسه انسان اولوم دن گلن آجینی اونوتور ، اوره ک یاراسی ساغلاملانیرو انسان الله وئردیگی دوزوم له یاناشیب و توختاییر . اما ، آیریلیق باشقا بیر حیکایه دیر. آیریلیق ، سوسوزون ، سویا اولدوغوحسرت دیر ، قونداق اوشاق آناسینین ممه سینه دوغرو تامارزی دیر. قفس ده اولان قوشون آزادلیقا وار هوسی دیر . پاییز یارپاغینین آغاجدان دوشر کن کئچیتدیغی خوش گونلرین حسرتی دیر . عمرو سونا چاتان بیر قوجانین ، گنج چاغینی خاطیرلایارکن گوزلری یاشلا دولار کیمی دیر و آراز کیمی چایین دنیزه دوغرو یورودوغو ، اونا قووشماق کیمی دیر . آیریلیق بوتون لیکله حسرت دیر . ساغلانیلماز خنچر یاراسی دیر . زامان کئچیر سه بو حسرت آرتیر و بویارا درین لشیر . آیریلیق چکن انسان اولوم آرزولاییر ، بلکه ده اوزوندن خبر سیز اولوب دیر امام قبیر سیز و کفن سیز قالیبدیر . اما من ، نئچه ایل غربتده یاشایاندان سونرا بئله بیر دردی درین لیکله دوشونموشم ، جوان عمرومون ان گوزل آنلاری بئله کئچیبدی ، دونیا منی قوربان سئچیبدی ، آیریلیقا کفن بیچیبدی . آیریلیغین دالغا دالغا اسن یئللری منیم یازیمی خزانه( گوز: پاییز) دوندردی. یامان آیریلیق ، یالان دونیا سنین اولسون و قارشی ده گلن مزار منیم . آیریلیق ، منیم گنج چاغیمی زیان ائیلدی ، گونول باغیمی ویران و یاشیل داغیمی چوله دوندردی ، سنین اود کیمی یانان کوزون منی یاندیردی و حسرتیمی آرتیردی . نئجه دئمک اولماز ، آیریلیق اولوم دن بتر دئیل . ایلام – 20/8/86 گئجه ساعات 11
| Design By : Night Skin |
بووبلاگ هئچ بير قوروپ و پارتيايا باغلي دئيل يالنيزو يالنيزآذربايجان ادبيات ،موسيقي،فولکولور ، تورک مثللرنين ديرچليش و اينکشافيندا آديملايير وبو يولدا سيزدوستلارين يارديملاريني گوزله يير.بيزی اونوتمايين. آشاغیدا گلن لینک لرین محتوا سی باره ده، هئچ بیر مسوولیت بیزیم اوچون یاراتمیر تکجه اونلار بو وبلاگا لینک اولونوبلار .
