توركجه يازمالار
گله جك آذربايجانا ، يالنيز و يالنيز آذربايجانلا گله جك
گلن نه دير ، گلسن نه دير گئدن نه دير ، گئدسن نه دير اولسن نه دير، كفن نه دير بو دونيا اوز ايشينده دير ياغيش يويور ، گون قورودور ***************** شفق لرده اوچان آخشام قوشلاري مندن سلام دئين گوزل تبريزه قاتاريله گئدن وطنه ساري آرخاداشلار بير باش وورن دا بيزه آيريليق، آيريليق، يامان آيريليق تورك ديلينين بوتون قوللاریندا، او جومله دن آذربايجان، آنادولو و اؤزبك قوللاريندا ديللر ازبري اولان بو مصراعنين مؤلفي «فرهاد ابراهيمي»دير. ابراهيمي 1935ـ جي گونش ايلي اردبيلين ياخينليغيندا يئرلشميش “كورابازلي” كندينده دونيايا گؤز آچميشدير. كسگينليكله دئمك اولاركي اونون یاشامی «آيريليق» شعري ايله سئچيلير. گلين گؤرهك بو شعر نئجه يارانميشدي؟ آيريليق شعري 1956ـ جي ايل تهرانين حشمتيه محلهسينده، «فرهاد»ين هانسيسا بير «شيرين»ـه وورغولوغوندان دوغموشدو. ائو صاحيبينين گئجهلرین سون ساعاتلاریندا چيراغ يانديرماغا مانع اولدوغوندان، شعرين دؤرد بندي پنجره قاباغيندا يارانميشدي، آی ایشیقیندا. باشقا بئش بند ايسه ائرتهسي گون اونلارا آرتيريلميشدي. او واختلار اوستاد ابراهيمي، رحمتليك علي سليمي ايله تانيشليغي وارميش. بو تانيشليق اوزوندن، فرهادين بير ياخين يولداشي «آيريليق» شعريني «آچيل سحر» و «آغلاما» باشليقلي شعرلرله ياناشي علي سليمييه چاتديرير. سليمي بونلارا موسيقي بستهلهيير. بير گون همين يولداش سئوينهسئوينه گليب فرهادي چاغيرير و «آيريليق» شعرينه بستهلنميش موسيقينين راديودان سسلنمهسيني اونا بيلديرير. شعر خانيم «فاطمه قنادي»نين سسيله تهران راديوسوندان ايفا اولونور. سونرالار همين خانيم سليمينين حيات يولداشي اوْلور. 1959ـ جي ايل، رشيد بهبوداوف تهرانا گليشينده بو ماهني ايله ماراقلانير. سونرا اونو اؤزو ايله آپاريب آزاجیق سونرا ايفا ائدير. بئلهليكله «فرهادين شعري، سليمينين بستهسي، و رشيدين سسي»نين تركيبيندن يارانميش بير ماهني دونيا شؤهرتي قازانير. یارپاق 1383
| Design By : Night Skin |
بووبلاگ هئچ بير قوروپ و پارتيايا باغلي دئيل يالنيزو يالنيزآذربايجان ادبيات ،موسيقي،فولکولور ، تورک مثللرنين ديرچليش و اينکشافيندا آديملايير وبو يولدا سيزدوستلارين يارديملاريني گوزله يير.بيزی اونوتمايين. آشاغیدا گلن لینک لرین محتوا سی باره ده، هئچ بیر مسوولیت بیزیم اوچون یاراتمیر تکجه اونلار بو وبلاگا لینک اولونوبلار .
