توركجه يازمالار
گله جك آذربايجانا ، يالنيز و يالنيز آذربايجانلا گله جك
مملکت منه یابانجی هر کسین ماسکی اوزونده تانیدیک هر کس یالانجی دوشمگه ، ییخیلماغا گور، سایامادیم بو کاچینجی (نئچنجی) قالماییب اینسانین اینانجی آنا من اینسان لیقا کوسدوم حایاتا کوسدوم من عشقه کوسدوم بهار اورتاسیندا گورولدوم گاه سوروک لندیم ، سورولدوم ان سون تقسیم ده گورولدوم آنا من اینسان لیقا کوسدوم حایاتا کوسدوم من عشقه کوسدوم اتک یازیلاری ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ یابانجی : بیگانه ، خارجی یالانجی : دروغ گو کاچینجی : چندمین بار اینانج: باور ، اطمینان کوسدوم: قهر کردم سوروک لندیم : خار شدم تقسیم : بولوم ، مرتبه ، درجه ائلیمیزده اوبامیزدا یاشایان گنج ایگید لر ، قیزلار و اوغلانلار یاشادیغینیز یوردون قدرینی بیلیب ، آنا یوردونوزو ترک ائتمه گین. باخیرام ائلیمه ، بابالاریما، اوز گونوم ، ، طالعیم ، گلیر اوزومه گوزوم ، ایاغیما تیکیلی قالیر سرحدده قاراوول اولان بیر عسگر بیر گون یولداشینا دئییر کی " باخ سر حددین بو تاییندا دا تورپاق ، داغ ، مئشه وار ، او تاییندا دا . ندندیر کی ، بیز بو تایدا کی تورپاغی ، داغی ، مئشه نی سئویریک ، اونو قورویور ، یولوندا جاندان کئچمه یه راضی اولوروق ، گئجه گوندوز کئشیگینده دوروروق ؟ بیزده نه وار کی ، بیزی سرحدی ترک ائتمه گه قویمور ؟ یولداشی جاواب وئریر کی ، بیزده بیر " زاد" وارکی ، او بیر "زاد " قویمور . عسگر دئییر: او بیر "زاد" ائله سنده وار ، بیرده منده ؟ یوخسا هامیدا وار؟ دوغرودور . بیزده بیر "زاد " وار کی آنا دان دوغولدوغوموز ، بویا باشا چاتدیغیمیز ، دوزنگاهلاریندا گزدیگیمیز ، یایلاقلاریندا سئیر ائتدیگیمیز یئر لره سئومگه وادار ائدیر . من اوزوم 4 – 5 ایلدی ماکو – شوط دان اوزاقدا یاشییرام، آمما همیشه یئریمین یوردومون حسرتینی چکمیشم بیر واخت تاپاندا ، باشیم مشغله دن آییلاندا شهریمیزه دئیه یوگورموشم . ایه واللاه آدام بیر تیکه چورک آواراسیدیر . بیر تیکه چوره یه نه وار کی ، آدام هر هارا دا اولسا ، تاپا جاق . آمما نئجه دئیر لر : ائله ده هاسات دئیل ، چورک داش آلتیندان چیخیر . یوخسام ها ! .من هارا ، ایلام هارا ؟ مگر آدام ماکو ، شوطون او گوزل یاز، یای هاواسی ، بولاقلارینین دوم دورو سویو ، گویه باش اوجالتمیش داغلاری ، حسرت چایی آرازین ساحیلی ، ماکو سرداری نین سارایی ، فرهادین شیرین اوچون قازیلمیش غاری ، و مین لرجه گوزللیگی قویوب بورادا نه آختاریر ؟ گور فلک بیزی هارالارا گتیریب چیخاریب ؟آیاز هاوایا ، اولدوزلو گئجه یه ، سازاقلی گدیگه بئله تامارزی قالمیشیق و ائله جه اوشاقلیقدا کی گونلریمیزین حسرتینی چکیریک . حسرت چکیریک کی ، شاعر ائل اوغلو دئمیشلی : یئنه یورد سالایدیق او یاسدان چادا یئنه اویاماجدا کولک اسه یدی اویانیب یوخودان سحر مئهی نین یئنه یدی داغلارین شلاله قیزی دیلینده بیر اتک عطری ، یارپیزی اورکولوب ، آتیلیب گورنده بیزی بوتون ائلیمیز اوبامیزدان آیری دوشموش و سوزون اصل معنا سیندا سورگونه سورولموش بیز لر نه ایله شادیق ؟ بیزیم شادلیقیمیز ائل اوبامیزی ، اوشاغلیغیمیزی ، خاطر لاماقلادیر. اتک یازیلاری : ___________________________________________________________
باخدیقجا فخریمدن باشیم اوجالیر
غفیل گلیشیندن چیچک اسه یدی
داغیلیب اوزونده لچک اسه یدی
| Design By : Night Skin |
بووبلاگ هئچ بير قوروپ و پارتيايا باغلي دئيل يالنيزو يالنيزآذربايجان ادبيات ،موسيقي،فولکولور ، تورک مثللرنين ديرچليش و اينکشافيندا آديملايير وبو يولدا سيزدوستلارين يارديملاريني گوزله يير.بيزی اونوتمايين. آشاغیدا گلن لینک لرین محتوا سی باره ده، هئچ بیر مسوولیت بیزیم اوچون یاراتمیر تکجه اونلار بو وبلاگا لینک اولونوبلار .
