|
بایرامییدی گئجه قوشو اوخوردو آداخلی قیز بی جورابین توخوردو هر کس شالین بیر باجادان سوخوردو آی نه گوزل قایدادیر شال ساللاماق بی شالینا بایراملیقین باغلاماق.
نئچه یولداش بیرلیکده شام یئمک اوچون بیر قدیم دوستون ائوینه قوناق گئدیرلر . دوستلاری بیر اکینچی و کیچیک بیر کندده یاشاییردی. دوستلار بیرلیکده قدیم وشیرین سوزلر آچیب و اوردان بوردان قونوشورلار ،سوزلری چوخ قیزیر ، مجلس لری خوش گئچیر ، زامانین کئچمه گینی بیلمیر لر ، ساعات گئچه یارسینی کئچیر ، دوستلار گئتمک بیلمیرلر و اوردا اوزلرینی چوخ خوش دویغولانیرلار.اما ائو صاحیبی کی هرگئجه ، اوزامان بیر ایکی یوخو آلمیشدی، یاتماغا داریخیر. اونلارینین یانیندا بیر ائو پیشیگی ، اوتورب و دونه دونه اسنه ییردی، ائو صاحیبی گوردو کی ، دوستلاری بو تئزلیکده گتمه یه قرار وئرمه یه جک لر، پیشیگیه اوز توتوب اونا بیر محکم شاپالاق چالیب دئدی ، آخی حیوان پیشیگ سنین کی قوناغین یوخدو گئت یاتدآآ، نه یه اوتورب سان؟؟؟!!!!!!
بوراسي اورمو تپ تميز بير دويغو دويدون دويماديغين بو بوراسي كلفچه ميزين پوزولاسي بوراسي يابانجي ديلده تانيشليق بوراسي اورمو ........
الهي ، يا ربيم ، اي اولو تانري ، بو گوزل و موبارك آييندا بيزيم گوناهلاريميزي باغيشلاو بيزه رحم ائت. شفاعت يا رسول الله
آختارير مني كولك ، يالوارير سرين ياغيش ، آختارير جوشقون اورك، يالوارير:
باريش ، باريش . قاپي باغلي : باغلانيب عشقين قاپيسي اوزوموزه ، هي دولورحسرت ياغيشي گوزوموزه، چكدييميز آه دي اسن كولك لر، اسدي خزان، سولدو آچان چيچيك لر سعادته يوخدور اينان ذره جه، حسرتيله امر ائديريك ساده جه. دوستوم دئير: بير بيريني سئومك ايدي شرطيميز، نه بيله رديك حسرت اولار درديميز ، سانيرديك ياخيندير وصال دم لري ، گوزله مه دن حسرتي درد – غم لري ، بيز چوخ آجي حسرتيله گوروشدوك، آمان سيز فلكين فعلينه دوشدوك. قاپي باغلي: دوشونمه ديك بير گون گلر آيريليق باغريميزي دئشر دلر آيريليق ، سئوگيينه ن آشير داشير قلبيميز ، وصال آرزوسيله جوشور قلبيميز ، قالمييبدير دوزوم آيريليقيميزا، سبب اودور بيزيم آيريليقيميزا: باغلي دير عشقين قاپيسي اوزوموزه. دوستوم دئير : حيات فاني ، عمر قيسا ، عشق يالان، اجل آمان سيز دير وئرميير آمان، اگر محبتله سئويرسه اورك، هيجراني ياخين بوراخماماك گرك، بيز اوقدر بي وفا اينسانلاريك ، آجي حسرتي داداندا آنلاريك، باغلي دير عشقين قاپيسي اوزوموزه ، باغلي دير باغلي....
لايلاني آناميز اوز سوديله، ايچيرير روحوموزا بو
ديلده گيله گيله. بو ديل بيزيم روحوموز ، عشقيميز، جانيميزدير
.بوديل بيربيريميزله عهد- پيمانيميزدير.بوديل تانيتميش بودنيادا بيزه هر شيئي،
بوديل اجداديميزين بيزه ميراث وئرديگي قيمتلي خزينه دير. اونو گوزوموزتك قورويوب ، نسيللره بيز ده هيديه
وئره ك. بيزيم اوجا داغلارين سونسوز عظمتيندن ، ياتاغينا
سيغمايان چايلارين حيددتيندن، بوتورپاغدان بو يئردن،ائلين باغيريندان قوپان نغمه
لردن، گوللرين رنگ لريندن، چيچك لرين اييسيندن ، ميردوزونون ، موغانين سونسوز
گئنيشليگيندن، آغ ساچلي بابالارين عقليندن كماليندان ، دوشمان اوستونه جومان او قيرآتين
ناليندان قوپان سسدن ياراندين.سن خالقيمين آلديغي ايلك نفسدن ياراندين. سنده دي خالقين نقلي حيكمتي، عرب اوغلو مجنونون
دردي سنده ديل آچميش ، اوركلره يول آچان فيضولي نين صنعتي ، اي ديليم قودرتينله
دونيالارا يول آچميش . سنده منيم خالقيمين قهرمانليقلا دولوتاريخي
واراقلانير.سنده نئچه مين ايلليك منيم مدنيتيم، شان شهرتيم ساخلانير.منيم آديم
سانيم سان.ناموسوم ويجدانيم سان. اي اوز دوغما ديلينده دانيشماغا عار بيلن، ادب آزلار
!قلبينيزي اوخشامير، قوشمالار ، تللي سازلار ، بونلار قوي منيم اولسون آنجاق وطن
چوره گي سيزلره قنيم اولسون. يازان: بختيار وهاب زاده
|
About![]()
ماکو دیاریندانام . دولت ايشچي سي يم واوز كولتور ، ديل و فولكولورومو چوخ سئويرم و بو يازيلار اورك سوزلريم دير. Archivesهفته چهارم اسفند 1387هفته دوم اسفند 1387 هفته چهارم آبان 1387 هفته چهارم مهر 1387 هفته اوّل مهر 1387 هفته دوم شهریور 1387 هفته چهارم مرداد 1387 هفته سوم مرداد 1387 هفته اوّل مرداد 1387 هفته اوّل تیر 1387 هفته دوم خرداد 1387 هفته دوم اردیبهشت 1387 هفته سوم فروردین 1387 هفته اوّل فروردین 1387 هفته چهارم اسفند 1386 هفته دوم اسفند 1386 هفته اوّل اسفند 1386 هفته چهارم بهمن 1386 هفته دوم بهمن 1386 هفته چهارم دی 1386 هفته دوم دی 1386 هفته چهارم آذر 1386 هفته دوم آذر 1386 هفته اوّل آذر 1386 هفته سوم آبان 1386 هفته دوم آبان 1386 هفته اوّل آبان 1386 هفته سوم مهر 1386 هفته دوم مهر 1386 هفته چهارم شهریور 1386 هفته سوم شهریور 1386 هفته دوم شهریور 1386 هفته اوّل شهریور 1386 هفته چهارم مرداد 1386 هفته سوم مرداد 1386 Links
ياغيش
تورکومثللر |